જાહેર દસ્તાવેજોની પ્રમાણિત નકલો

જેનું નિરીક્ષણ કરવાનો કોઇ વ્યકિતને હક હોય તેવો જાહેર દસ્તાવેજ જેના હવાલામાં હોય તેવા દરેક સરકારી અધિકારીએ માંગણી થયે તે માટેની ફી લઇ યથાપ્રસંગ તે દસ્તાવેજની અથવા તેના ભાગની નકલ તે ખરી નકલ છે એવા તેની નીચે લખેલા પ્રમાણપત્ર સાથે તે વ્યકિતને આપવી જોઇશે અને તેવા પ્રમાણપત્ર ઉપર તે અધિકારીએ તારીખ નાખી પોતાનું નામ અને પોતાનો સરકારી હોદૃો લખવા જોઇશે અને તે અધિકારીને કોઇ સીલ વાપરવા કાયદાથી અધિકારી હોય ત્યારે તેના ઉપર સીલ લગાડવું જોઇશે અને આ રીતે પ્રમાણિત થયેલી નકલો પ્રમાણિત નકલો કહેવાશે.

સ્પષ્ટીકરણ.- સરકારી ફરજ બજાવવાના સામાન્ય ક્રમમાં એવી નકલો આપવનો અધિકાર ધરાવતા સરકારી અધિકારી પાસે આ કલમના અથૅ મુજબ એવા દસ્તાવેજોનો હવાલો છે એમ ગણાશે.